Հոկտեմբերի 28-ին եւ 29-ին կայացել է Էդգար Հովսեփյանի անվան Առաջին կլինիկական նյարդագիտության սիմպոզիումը` «էպիլեպսիա» թեմայով: Սիմպոզիումն անց է կացվել առցանց, որին մասնակցել է շուրջ 600 բժիշկ եւ բուժաշխատող` աշխարհի տարբեր երկրներից` Բուլղարիա, ԱՄՆ, Կանադա, Գերմանիա, Հայաստան եւ այլն: Սիմպոզիումը նախագահել է «Արաբկիր» ԲՀ-ի նյարդաբանության եւ նյարդավիրաբուժության ծառայության ղեկավար Բիայնա Սուխուդյանը: Ներկայացվել է 12 դասախոսություն` 6 նիստով: Յուրաքանչյուր նիստից հետո տեղի է ունեցել մասնագիտական ծավալուն քննարկում:   Սիմպոզիումի մասնակիցներին տրվելու է ՀՀ Առողջապահության նախարարության շարունակական մասնագիտական զարգացման 6 տեսական կրեդիտ: Էդգար Հովսեփյանն ամերիկահայ անվանի նյարդավիրաբույժ է եւ մեծ բարերար: Նրա անունն է կրում «Արաբկիր» բժշկական համալիրի նյարդաբանության եւ նյարդավիրաբուժության ծառայությունը:    Դիտեք սիմպոզիումի առիթով պատրաստված տեսանյութը` պրոֆեսոր Էդգար Հովսեփյանի եւ «Արաբկիր» ԲՀ-ի նյարդաբանության եւ նյարդավիրաբուժության ծառայության մասին:  

Գաստրոէնտերոլոգիական եւ էնդոսկոպիկ ծառայությունների հրավերով համագործակցության հերթական այցով կրկին «Արաբկիր» բժշկական համալիրում էր Ցյուրիխի համալսարանական մանկական հիվանդանոցի գաստրոէնտերոլոգիայի եւ սննդաբանության ծառայության ղեկավար Քրիստիան Բրեգերը: Պրոֆեսորի վարպետության դասընթացն այս անգամ «Միջմաշկային էնդոսկոպիկ գաստրոստոմայի (PEG-ի) տեղադրումը երեխաներին» թեմայով էր, որին մասնակցում էին ոչ միայն «Արաբկիր», այլեւ «Սուրբ Աստվածամայր» եւ «Մուրացան» բժշկական կենտրոնների մասնագետները:   Պրոֆեսոր Բրեգերի անմիջական մասնակցությամբ կատարվել է PEG-ի տեղադրման 5 միջամտություն` նյարդաբանական խնդիրներով երեխաների, որոնք ունեն կլման ակտի, հետեւաբար եւ բերանային սնուցման մեծ դժվարություններ:   PEG-ը մանկական գաստրոէնտերոլոգիայի` աշխահում ամենատարածված մեթոդներից է, արագ է ու արդյունավետ, օգնում է խուսափել ոչ միայն թերսնուցման բարդություններից, այլեւ բարելավում է պացիենտի ու նրան խնամողների, ընտանիքի կյանքի որակը:   PEG-ի անհրաժեշտությունը որոշվում է բազմամասնագիտական թիմով:

Կրկին «Արաբկիր» բժշկական համալիրում էին շվեյցարացի մեր բարեկամները` բուժքույրերի շարունակական մասնագիտական զարգացման ծրագրի շրջանակում: Եռօրյա դասընթացի բացմանը մասնակիցներին ողջունել են շվեյցարական «Սեմռա պլուս» հիմնադրամի տնօրենների խորհրդի անդամ, կրթության ծրագրերի պատասխանատու Մարլիզ Ֆլյուրին և «Արաբկիր» ԲՀ-ԵԴԱԻ Բուժքույրական խորհրդի նախագահ, բուժքույրական կրթական ծրագրերի համակարգող Ամալյա Մարտիրոսյանը:   Վերապատրաստման դասընթացի թեմաներն այս անգամ առնչվել են երիկամային սուր և խրոնիկական անբավարարության ժամանակ հեմոդիալիզին և պերիտոնեալ դիալիզին, ինչպես նաև հեմոդիալիզի և անհետաձգելի բուժօգնության բաժանմունքներում աշխատելիս բուժքույրերի գործառույթներին, տեսական գիտելիքները գործնականում կիրառելու հմտություններին, բազմամասնագիտական թիմի անդամների, ինչպես նաև պացիենտների ու նրանց հարազատների հետ հաղորդակցությանը, կոնֆլիկտային իրավիճակներում ճիշտ վարվելակերպի կանոններին:   Հեմոդիալիզի վերաբերյալ դասընթացը վարել են Շվեյցարիայի Ժյուրա կանտոնի հիվանդանոցի հեմոդիալիզի բաժանմունքի դասավանդող բուժքույրեր Օդրի Շնեյդերն ու Օդ Շվարցը, իսկ Մանոն Ժիգանդենը և Անտոնի Ռասինը գործնական հմտություններով են փոխանակվել Ընդունարան և անհետաձգելի բուժօգնության բաժանմունքի բուժքույրերի հետ: Դասընթացին մասնակցել է շուրջ երկու տասնյակ բուժքույր: ՀՀ առողջապահության նախարարի հրամանով մասնակիցներն ու դասընթացավարներ Օդրի Շնեյդերն ու Օդ Շվարցը ստացել են շարունակական մասնագիտական զարգացման 9 տեսական և 2 գործնական կրեդիտ:   Մարլիզ Ֆլյուրին հանդիպել է նաև «Արաբկիր» ԲՀ-ի գիտական ղեկավար, պրոֆեսոր Արա Բաբլոյանի հետ, ամփոփել դասընթացն ու քննարկել համագործակցության հետագա ծրագրեր ևս:

Առողջությունը մարդու ամենաթանկ ունեցվածքն է, կրթությունը` ազատությունը:   Սիրելի սովորողներ, մանկապարտեզի սաներից մինչեւ ուսանող ու ասպիրանտ մեր պացիենտներ, մենք կօգնենք ձեզ պահպանել ձեր ամենաթանկ ունեցվածքը` առողջությունը, դուք` կրթվեք, ինքնակրթվեք ու վայելեք ազատության բերկրանքը:   Շնորհակալություն բոլոր մանկավարժներին ու դասավանդողներին եւ բարի ընթացք ամենքիդ

ԲԱՐՈՒԹՅԱՆ ԵՎ ՈՒՐԱԽՈՒԹՅԱՆ ՏՈՒՆԸ «Արաբկիր» ԲՀ-ի Ապարանի առողջարանային ճամբարի վերաբացումը` կորոնավիրուսային սահմանափակումներից հետո, ուրախություն է բերել երեխաներին: Ասում են` ճամբարը մեզ համար տուն է դարձել:    Շնորհակալություն շվեյցարական «Սեմռա» հիմնադրամին եւ «Արաբկիր» միացյալ մանկական բարեգործական հիմնադրամին` երրորդ հերթափոխին մեծապես աջակցելու համար: Ճամբարականներն ու նրանց ծնողներն այս տեսանյութում պատմում են Ապարանի գեղատեսիլ անկյունում անցկացրած օրերի մասին, նշում, որ սա առանձնահատուկ մի վայր է, որտեղ բոլորն անկեղծ են ու սիրով լի:

ԼՍՈՒՄ ԵՄ, ՇՆՈՐՀԱԿԱԼ ԵՄ    «Հայաստան. լսողական աջակցություն» նախաձեռնության` 2022թ-ի առաքելության մասին պատմող տեսանյութն է. մեկշաբաթյա ինտենսիվ աշխատանք Գյումրիում եւ Երեւանում, հարյուրավոր ժպիտներ՝ լսողությունը վերագտած մարդկանց դեմքերին, կամավորներ, որոնք պատմում են իրենց անմոռանալի զգացողությունների մասին եւ, իհարկե, միասնական թիմ, որն աշխատում է տարին կլոր՝ ապահովելով շահառուների հետխնամքի ծառայությունը նույնպես:   Ծրագիրն իրականացվում է 2017թ-ից` «Արաբկիր» միացյալ մանկական բարեգործական հիմնադրամի, Արաբկիր բժշկական համալիրի եւ Սթարքի լսողության հիմնադրամի հետ համատեղ:   Շնորհակալություն, սիրելի բարերարներ, շնորհակալություն նախաձեռնության հիմնադիրներ, աջակիցներ ու գործընկերներ:  

«Արաբկիր» բժշկական համալիրում երեկ երեխայի լյարդի փոխպատվաստման 4-րդ վիրահատությունն է իրականացվել՝ մեր թիմի ու բելառուս գործընկերների համատեղ ջանքերով:   Բժիշկները խուսափում են վաղ խոսել նման բարդ վիրահատությունների արդյունքների մասին, քանի որ, ինչպես իրենք են ասում՝ վիրահատությունը գործի մի կեսն է միայն եւ չափազանց կարեւոր է նաեւ հետվիրահատական փուլը: Պրոֆեսոր Ռումմոյի այս պահի գնահատմամբ՝ նման բարդ վիրահատություններին բնորոշ բոլոր դժվարություններով հանդերձ՝ զուտ վիրահատական մասն անցել է հաջող եւ առաջին օրվա տվյալները թույլ են տալիս զգուշավոր լավատեսությամբ ասել, որ ամեն ինչ լավ կլինի:   «Արաբկիր» բժշկական համալիրը շնորհակալություն է հայտնում փոխպատվաստման ամբողջ թիմին, ГУ "Минский НПЦ хирургии, трансплантологии и гематологии"-ի եւ Հայաստանի երեխաների առողջության հիմնադրամ - HFC Armenia-ի մեր սիրելի գործընկերներին, հիմնադրամի սրտացավ աջակիցներին, ՀՀ առողջապահության նախարարություն-ը, Արցախի Հանրապետության Առողջապահության Նախարարություն/MOH of Artsakh Rep.-ը՝ նվիրական ջանքերը համատեղելու եւ արցախցի փոքրիկին այս անասելի մեծ օգնությունը ցուցաբերելու համար:    #livertransplant #ArabkirMC #MinskScientificPracticalCenterforSurgeryTransplantionandHematology #լյարդիփոխպատվաստում #ԱրաբկիրԲՀ

Կրկին «Արաբկիր» բժշկական համալիրում են լյարդի փոխպատվաստման գծով մեր գործընկերները Բելառուսից` պրոֆեսոր Օլեգ Ռումմոյի գլխավորությամբ: Այսօր նրանք հանդիպել են արդեն վիրահատված պացիենտներին եւ նրանց ծնողներին, գնահատել երեխաների վիճակն ու խորհրդատվություն իրականացրել այն պացիենտների համար, որոնք հայ գործընկերների կարծիքով լյարդի փոխպատվաստման կարիք ունեն:   Ի դեպ, պրոֆեսորներ Ռումմոյին ու Բաբլոյանին փոխպատվաստված լյարդով մեր փոքրիկ Միքայլեն է լուսանկարել:

Հազի մասին մի շարք հարցերի պատասխանել է մեր բժիշկներից Մարիամ Հախվերդյանը: Լսեք, ճանաչեք հազն ավելի մանրամասն եւ ճիշտ կողմնորոշվեք, թե ինչ անել ու չանել, երբ երեխան հազում է:   https://www.facebook.com/UnicefArmenia/videos/1170086253555658  

«Արաբկիր» բժշկական համալիրի մանկական սուրդոկենտրոնին կից գործող խոսքի զարգացման կենտրոնի սաներն են: Տարեվերջյան հանդեսին ներկայացնում են իրենց սովորածը` երգել, պարել, արտասանել: Նրանց լսելու են եկել լսողական սարքեր տրամադրող «Հովարդ Ղարագյոզյան» հիմնադրամի ներկայացուցիչները, սուրդոկենտրոնի ղեկավար Թամարա Մանուկյանն ու ծնողները:    Կենտրոնում գործող սուրդոմանկավարժական 4 խմբում ընդգրկված է 40 երեխա, որոնք այստեղ են գալիս շաբաթական 4 օր` երկու անհատական եւ երկու երաժշտական-խմբակային պարապմունքի:   Լսողական խնդրով երեխաների խոսքի զարգացումը, հատկապես լսողության մեծ կորուստների դեպքում, բարդ, ժամանակատար ու նվիրում պահանջող գործ է: Մեր մասնագիտական թիմին հաջողվում է անել դա, ինչի վկայությունն այս պայծառ փոքրիկների խոսքն է, որով նրանք հանրակրթական դպրոցներ են գնում եւ սովորում տարեկիցների հետ: Այս տարի կենտրոնը դպրոց է ճանապարհում սաներից 12-ին:    Շնորհավոր, սիրելի փոքրիկներ, բարի ընթացք ձեզ դպրոցում եւ ամենուր:

«Արաբկիր» բժշկական համալիրի թիմը սիրով շնորհավորում է ԵՊԲՀ ռեկտոր, պրոֆեսոր Արմեն Մուրադյանին` հոբելյանական 50֊րդ տարեդարձի առիթով։   Առողջություն, խաղաղություն, անսպառ եռանդ ու հաջողություններ Ձեզ, սիրելի Արմեն Աբգարի։ Թող իրականություն դառնան Ձեր բոլոր նպատակները` հանուն ապագա բժիշկների կրթության եւ մեր հասարակության առողջության։

Սիրելի այցելուներ եւ գործընկերներ, ուրախությամբ տեղեկացնում ենք, որ Պարկինսոնի հիվանդության նյարդավիրաբուժական բուժումն արդեն հնարավոր է նաեւ Հայաստանում` «Արաբկիր» բժշկական համալիրում:   Նյարդաբանության եւ նյարդավիրաբուժության ծառայության մեր թիմը հաջողությամբ իրականացնում է գլխուղեղի խորանիստ ստիմուլյացիա (Deep Brain Stimulation /DBS)։ Բուժման այս մեթոդն ունի երկար փորձով եւ գիտական տվյալներով ապացուցված բարձր արդյունավետություն՝ հսկելով հիվանդների շարժողական ֆունկցիան, կանխանգելելով եւ բուժելով դեղորայքային բուժման շարժողական բարդություններն ու զգալիորեն բարձրացնելով պացիենտների կյանքի որակը, ինքնուրույնության և աշխատունակության աստիճանը:   Վիրահատության ժամանակ գլխուղեղի խանգարված ֆունկցիայով համապատասխան կորիզներում տեղադրվում են էլեկտրոդներ, որոնք աշխատում են կրծքավանդակի մաշկի տակ զետեղված նյարդախթանիչի օգնությամբ։ Նյարդախթանիչի ծրագրավորումն ու դրա հետագա կարգավորումը, որոնք իրականացնում է վերապատրաստված մասնագետը, թույլ են տալիս ունենալ կայուն և շարունակական հակապարկինսոնային կամ հակադիսկինետիկ արդյունք։   Նյարդավիրաբուժական այս միջամտությունը կիրառվում է նաեւ դեղորայքակայուն էսենցիալ դող ունեցող և գեներալիզացված դիստոնիայիով պացինետների բուժման համար։ Վիրահատվում են այն պացինետները, որոնք նախավիրահատական գնահատում են անցել եւ համապատասխանում են ընտրության չափանիշներին:   ‍Գլխուղեղի խորանիստ ստիմուլյացիային եւ սարքի հետագա կարգավորմանը տիրապետելու համար նյարդավիրաբույժ Սեւակ Բադալյանը վերապատրաստվել է Բուլղարիայում` Սոֆիայի «Սուրբ Իվան Ռիսլկի» համալսարանական հիվանդանոցում, նյարդաբան Զարուհի Թավադյանը` Ավստրիայում` Ինսբրուկի համալսարանի շարժողական խանգարումների կենտրոնում եւ Հունգարիայում` Ժեգեդի համալսարանական կլինիկայում։   Առավել մանրամասն տեղեկությունների համար կարող եք զանգահարել նյարդաբանության եւ նյարդավիրաբուժության ծառայություն` 060 400 300 եւ ներքին` 22 21 հեռախոսահամարով:   * Նյութը պատրաստված է «Արաբկիր» ԲՀ-ԵԴԱԻ պացիենտներին եւ գործընկերներին տեղեկություն տրամադրելու համար:

Մեծ ցավով եւ ափսոսանքով տեղեկացնում եմ, որ մահացել է մեր սիրելի ուսուցիչը` մանկական վիրաբույժ, պրոֆեսոր Ալբերտ Վանյանը։   Անգնահատելի է Ալբերտ Անդրանիկովիչի դերը Հայաստանի մանկական վիրաբուժության զարգացման գործում, անչափելի են նրա մարդկային արժանիքները, սերը երեխաների, իր երիտասարդ գործընկերների, մասնագիտության եւ հայրենիքի հանդեպ։   Ձեր գործն անմահ է, սիրելի պրոֆեսոր, շնորհակալություն Ձեզ, խաղաղություն Ձեր մարդասեր հոգուն։   Արա Բաբլոյան

«Արաբկիր» բժշկական համալիրի փոքրիկ պացիենտներին հյուր էին եկել Արարատի մարզի Արևշատ գյուղի երաժշտական դպրոցի սաները: Ժողովրդական գործիքային իրենց կատարումներով նրանք տարբերվող դարձրեցին երեխաների օրը, ուրախ և հիշվող:   Գաղափարը հիանալի է` գյուղում ապրող այս պայծառ դեմքերը, որոնց երաժշտական դպրոցի նորոգման համար բարեգործությամբ գումար էր հավաքվել, իրենք էլ իրենց բարի գործն են անում` նպաստելով տարեկիցների բուժմանը` բարեգործական համերգով հավաքած փոքրիկ գումարով և, իհարկե, բարձր տրամադրությամբ:   Շնորհակալություն Հայաստանի երեխաների առողջության հիմնադրամ - HFC Armenia-ին և Արի գյուղ, գյուղում կյանք կա/Come to village, Life is here նախաձեռնությանը` փոքրիկ արևշատցիների հետ մեզ ծանոթացնելու համար:

ՈՒՇԱԴՐՈՒԹՅՈՒՆ   Հարգելի քաղաքացիներ, «Անկանխիկ գործառնությունների մասին» այս տարի ընդունված օրենքով` բժշկական եւ կրթական հաստատություններն այս հուլիսի 1-ից Երեւանում, հաջորդ տարվա հուլիսի 1-ից մարզկենտրոններում, իսկ 2024թ-ի հուլիսի 1-ից` հանրապետության ողջ տարածքում իրենց մատուցած ծառայությունների դիմաց ցանկացած վճար պետք է ընդունեն բացառապես անկանխիկ: Ուստի խնդրում ենք «Արաբկիր» ԲՀ-ԵԴԱԻ այցելելիս նկատի ունենալ, որ բոլոր վճարումներն ընդունվելու են բացառապես անկանխիկ եղանակով:

«Արաբկիր» միացյալ մանկական բարեգործական հիմնադրամը Ցյուրիխի համալսարանական մանկական հիվանդանոցի եւ Հայ օգնության ֆոնդի աջակցությամբ Արցախի «Արեւիկ» բուժմիավորմանը վիդեո-էլեկտրոէնցեֆալոգրաֆիայի նոր սարք է նվիրել:   Տեխնիկական բնութագրիչներով այն լավագույններից մեկն է համարվում որոլտում: Սարքը հնարավորություն կտա կատարել կարճատեւ եւ երկարատեւ վիդեո-էէգ հետազոտություններ` նպաստելով էպիլեպիսիայի հայտնաբերմանն ու ախտորոշված դեպքերի վարմանը:   Սարքի գործարկման առիթով Արցախում էին «Արաբկիր» ԲՀ-ի նյարդաբանները: Ծառայության ղեկավար Բիայնա Սուխուդյանը, որը նաեւ Արցախի Առողջապահության նապարարության խորհրդատուն է` նյարդաբանական գծով, կարգավորել եւ առաջին հետազոտություններն է արել` գործնական խորհուրդներ տալով տեղի մասնագետներին: Սարքը սպասարկող տեխնիկը մինչ այդ եւս վերապատրաստվել էր «Արաբկիրում»:

Սիրելի գործընկերներ,   շնորհավորում եմ բուժաշխատողների օրվա առիթով: Առողջություն եւ խաղաղություն եմ մաղթում յուրաքանչյուրիդ, երջանկություն` անձնական կյանքում, բարեկեցություն` ընտանիքում, առաջընթաց եւ հաջողություններ` աշխատանքում: Ձեր նվիրված աշխատանքի լավագույն գնահատականը փրկված կյանքերն են, առողջացած պացիենտները, ամեն փոքրիկի լուսավոր ժպիտը` տուն վերադառնալիս: Բարի ընթացք ձեր բարի առաքելությանը` որտեղ էլ որ լինեք:   Արման Բաբլոյան «Արաբկիր» ԲՀ-ԵԴԱԻ տնօրեն

Այս ֆոտոպատմությունը «ԱրԲեՍ Պլյուսի» պացիենտներից մեկի` Հայկի մասին է: Ճիշտ կազմակերպված ու շարունակական աշխատանքը հաջող արդյունքներ է տալիս:    «ԱրԲեՍ Պլյուսը» «ԱրԲեՍ» առողջության կենտրոնի նորաբաց ծառայությունն է` ուղղված մեծահասակների վերականգնողական թերապիային: Ծառայությունից կարող են օգտվել բոլորը, եթե ունեն հենաշարժողական, նյարդամկանային խնդիրներ, կենտրոնական եւ պերիֆերիկ նյարդային համակարգերի ախտահարումներ, մանկությունից մնացած նմանատիպ խնդիրներ: Դրանք առավելապես արտահայտվում են մեջքի, պարանոցի եւ հոդերի ցավերով, խոշոր եւ մանր շարժումների սահմանափակումներով: Պացիենտների հետ աշխատում է բազմամասնագիտական թիմը` առաջնորդվելով յուրաքանչյուրի համար մշակված անհատական վերականգնողական պլանով: Պարապմունքներն իրականացվում են արտահիվանդանոցային ռեժիմով, այսինքն պացիենտներն այստեղ չեն գիշերում:   Մանրամասների եւ հերթագրվելու համար` 060 40 30 30 եւ ներքին` 25 00, զանգել ժամը 09:30-16:30: Հասցեն` Երեւան, Փափազյան 32 Էլ. հասցե` [email protected]   Բաժանմունքի մասին` https://www.arabkirmc.am/hy/feature/rehabilitation/104 *Նյութը պատրաստվել է «Արաբկիր» ԲՀ-ԵԴԱԻ պացիենտներին տեղեկություն տրամադրելու համար:

Արամի պատմությունը ոգեշնչող է և ընդօրինակելի: Տղայի քայլելը, հնարավոր է, այդպես էլ երազանք մնար, եթե ընտանիքը չդիմեր «Արաբկիր» ԲՀ-ի օրթոպեդիայի և վնասվածքաբանության բաժանմունք:   Լսեք, տեսեք ու ճանաչեք ուժեղ Արամին, նրա ուժեղ մայրիկին ու բժշկին: Միասնական ջանքերն արդյունք են տալիս: 

Սիրելի բժիշկներ, հունիսի 10-ին եւ 11-ին «Արաբկիր» ԲՀ-ԵԴԱԻ-ում անց է կացվելու «Մանկաբուժական դպրոցի» ամենամյա դասախոսությունների այս տարվա շարքը:    Ծրագրում ընդգրկված են Հայաստանի եւ Ցյուրիխի համալսարանական մանկական հիվանդանոցի առաջատար մանկաբույժների դասախոսություններ` արդի մանկաբուժության խնդիրների մասին:     Դպրոցի ծրագիրը հավաստագրել է ՀՀ Առողջապահության նախարարությունը: Պահանջվող կարգով գրանցված եւ մասնակցած բժիշկները կստանան վկայականներ` ՇՄԶ կրեդիտներով:   Գրանցվելու համար կարող եք գրել [email protected] հասցեին: Ծրագիրն ու օրակարգը` ստորեւ:

Լսեք յուվենիլ իդիոպատիկ արթրիտի` անհայտ ծագման պատանեկան հոդաբորբի մասին` «Արաբկիր» ԲՀ-ի ռեւմատոլոգիական ծառայության ղեկավար Գայանե Խլոյանի մեկնաբանությամբ:  

Կարդացեք համառոտ տեղեկություններ նշագեղձերի բորբոքումների` տոնզիլիտի մասին:   Ներկայացնում է «Արաբկիր» ԲՀ-ի Երեխաների եւ դեռահասների առողջության ինստիտուտի ղեկավար, մանկաբուժության գծով Ան խորհրդատու Սերգեյ Սարգսյանը:

Մենք բոլորս գալիս ենք մանկությունից: Այնտեղ ամեն ինչ պարզ է ու մաքուր, բարի ու գեղեցիկ:   Սիրելի փոքրիկներ, շնորհավոր ձեր մանկության ամենաարեւոտ տոնը, ձեր իրավունքների պաշտպանության օրը` հունիսի 1-ը: Պարզ, մաքուր, բարի ու գեղեցիկ ձեր մանկությունը թող միշտ ապրի ձեր մեջ` անկախ տարիքից ու ցանկացած այլ հանգամանքից: Առողջ ու խաղաղ կյանք ամենքիդ` որտեղ էլ լինեք:   Հիշեք, որ «Արաբկիր» բժշկական համալիրի թիմը ձեր, ձեզանից շատերի ծնողների, հետագայում գուցե եւ ձեր փոքրիկների առողջության իրավունքի երաշխավորն է, ձեր անդավաճան ընկերը` առողջ կյանքի ճանապարհին:

Երեխաների օրվան ընդառաջ` կրկին երեխաների առողջության մասին. Արա Բաբլոյանը պատասխանել է «Իրավունքի» հարցերին:  

«Արաբկիր» բժշկական համալիրի տնօրենի վիրաբուժության գծով տեղակալ, բգթ Սերգեյ Բաբլոյանն ու վիրաբույժ Ռոմիկ Սարգսյանը Գյումրիում էին՝ «Մոր եւ մանկան ավստրիական հիվանդանոցում»: Միջհիվանդանոցային համագործակցության հերթական այցի շրջանակում մեր վիրաբույժները խորհրդատվական կարգով ընդունել են միզասեռական համակարգի բնածին խնդիրներով շուրջ երկու տասնյակ պացիենտի, վիրահատել նրանցից մի քանիսին:   Մասնագիտական փոխօգնության նման այցերը գնահատելի են հատկապես մարզային կլինիկաների աշխատակիցների համար: Դրանք տեսական նորարարություններին գործնականորեն ծանոթանալու լավ տարբերակ են հենց իրենց աշխատավայրում:

«Արաբկիր» բժշկական համալիրում կատարվել է երիկամի 200-րդ փոխպատվաստումը. 200 փրկված կյանք` դոնորների եւ բժիշկների նվիրումով ու ջանքերով: Երիկամի առաջին փոխպատվաստումն այստեղ արվել է 1991թ-ի մայիսին: Ծրագրի գաղափարը պրոֆեսոր Արա Բաբլոյանի մոտ ծնվել է երկրաշարժից հետո, երբ ավերակների տակ մնացած բազմաթիվ մարդկանց, նրանց մեջ եւ երեխաների, կարիք էր լինում երիկամի հեմոդիալիզ իրականացնել: Սակայն հեմոդիալիզը, հատկապես երեխաների դեպքում, խնդրի վերջնական լուծում լինել չէր կարող, այն ազդում է կյանքի որակի վրա: Փոխպատվաստումն ավելի արդյունավետ ու երաշխավորող մոտեցում է համարվում:  Երիկամի փոխպատվաստումն իրականացնում է բազմամասնագիտական թիմը: Նախ ընտրվում է պացիենտ-դոնոր զույգը` բոլոր` բժշկական, հոգեբանական եւ այլ ասպեկտներ քննարկելով եւ հաշվի առնելով, ապա տեղի է ունենում բուն վիրահատությունը: Վիրաբույժներն աշխատում են երկու վիրասրահներում` զուգահեռաբար: Առաջինում դոնորից օրգանը վերցնելու, երկրորդում ռեցիպիենտի մարմնում այն տեղադրելու պրոցեսներն են ընթանում: Վիրահատությունից հետո էլ հետվիրահատական փուլն է եւ, իհարկե, օրգան-փոխպատվաստված պացիենտների դիսպանսեր հսկողության մշտական գործընթացը: «Արաբկիր» ԲՀ-ում գործող օրգան-փոխպատվաստված պացիենտների դիսպասեր բաժանմունքն, ի դեպ, միակն է Հայաստանում: Այս պահին այստեղ գրանցված է 180 մարդ, մեծամասնությունը` 163-ը, փոխպատվաստված երիկամով, 16-ը` լյարդով եւ մեկ պացիենտ` փոխպատվաստված սրտով:  Տեսանյութում ներկայացվում են մանրամասներ երիկամի փոխպատվաստման մասին. պացիենտները պատմում են նախա-, բուն եւ հետվիրահատական բարդ ճանապարհին իրենց կյանքի պատմությունը` նշելով, որ բժիշկների նկատմամբ վստահությունն ու խնդրին միասնաբար լուծում տալու կամքն այս գործում ամենակարեւորն են: 

Մայիսի 20-ը վնասվածքաբանների համաշխարհային օրն է, բժշկագիտության ամենահին ուղղություններից մեկի օրը:   Վնասվածքաբանության եւ օրթոպեդիայի մասին առաջին գրառումները հանդիպում են դեռեւս անտիկ շրջանի արձանագրություններում, մասնավորապես, Հիպոկրատի «Վնասվածքների մասին» եւ «Հոդերի մասին» աշխատություններում: Իհարկե, անհամեմատելի են այն եւ մեր օրերի մեթոդներն ու հնարավորությունները, բայց բոլոր ժամանակներում էլ նույնն է բժիշկների առաքելությունը` օգնել մարդուն` չվնասելով:   Սիրելի բժիշկներ, փոքրիկ պացիենտների ծնողներից ամեն օր ստացվող արձագանքները, գնահատանքի եւ օրհնության խոսքերը հենց այդ մասին են` ձեր պրոֆեսիոնալիզմի եւ մարդասիրության:   Շնորհակալություն, եւ շնորհավոր ձեր մասնագիտական տոնը:  https://www.arabkirmc.am/hy/services/77

«Արաբկիր» ԲՀ-ի նյարդաբանության եւ նյարդավիրաբուժության ծառայությունը կրկին հյուրընկալել էր շվեյցարացի նյարդաբան, պատվավոր պրոֆեսոր Օյգեն Բոլտսհաուզերին:   Պարբերական դարձած այցելություների շրջանակում պրոֆեսորը մասնագիտական քննարկումներ եւ խորհրդատվություններ է իրականացնում հայ գործընկերների հետ, որոնք մինչեւ նրա գալն արդեն առանձնացնում եւ հերթագրում են բոլոր այն պացիենտներին, որոնց դեպքերն առանձնակի ուշադրության են արժանի` իրենց բարդությամբ կամ յուրահատկությամբ: Եվ խոսքը միայն «Արաբկիրի» նյարդաբանների մասին չէ. պրոֆեսորի խորհրդատվությունը ստանալու հնարավորություն են ունենում այլ կլինիկաների նյարդաբանների պացիենտներ նույնպես:   Այս անգամ իրականացվել է 30 պացիենտի խորհրդատվություն, 15 դեպք էլ քննարվել է առանց պացիենտների ներկայության: Հանդիպումներին մասնակցել է 16 բժիշկ:

Բուժքույրերի միջազգային օրն է` բժիշկների «աջ ձեռքի», պացիենտների հոգատար քույրերի եւ մայրերի օրը, մարդկանց, որոնք, բառացիորեն, գիշերուզօր աշխատում են` նվիրելով իրենց կյանքն ամենաբարի առաքելությանը` մարդասիրությանը: Շնորհակալություն, սիրելի բուժքույրեր:   Առողջություն ձեզ եւ ձեր ընտանիքներին, սեր, արեւշատություն:

Բարի տարեդարձ, սիրելի Արա Սայենի:   Դժվար է մի քանի բառով կամ մի քանի րոպեում ամփոփել մեր սերն ու պատկառանքն` ուղղված Ձեզ` մարդու, որն ապրում ու արարում է հանուն հայ մանուկների ու մեծերի առողջության, մարդկանց բարօրության ու երկրի առաջընթացի, անդադար պրպտում ու գտնում է նորանոր ճանապարհներ` զարգացնելու «Արաբկիրն» ու պրոյեկցելու համալիրի ձեռքբերումներն ամբողջ հանրապետությունում:   Դուք օրինակելի եք Ձեր նվիրումով: Շնորհակալություն մեր բացառիկ օրինակը, անփոխարինելի ուսուցիչը, բարի բժիշկն ու անգնահատելի ընկերը լինելու համար:   Մաղթում ենք, որ Հայաստանից ու աշխարհի տարբեր ծայրերից ծննդյան օրվա առիթով Ձեզ ուղղվող հազարավոր բարեմաղթաքներից յուրաքանչյուրն իրականություն դառնա, առողջ լինեք ու շարունակեք հարստացնել մեզ Ձեր ներկայությամբ:    Ձեր մեծ ընտանիքի` «Արաբկիր» բժշկական համալիրի աշխատակիցներ https://www.facebook.com/watch/?v=976997096289385

Մայիսի 3-ը Ասթմայի համաշխարհային օրն է: Բժշկական օրացույցում այն առանձնացվել է Ասթմայի համաշխարհային կազմակերպության նախաձեռնությամբ` ասթմայի մասին տեղեկացվածության բարձրացման նպատակով: Ասթման մանկական խրոնիկական ամենատարածված հիվանդությունն է: Այն կարելի է կառավարել` գրագետ մասնագիտական մոտեցումներով նվազեցնելով, կանխելով հերթական սրացումները: Համաշխարհաին օրվա այս տարվա նշանաբանն է` «Փակել ասթմայի խնամքի բացերը»` ժամանակին եւ ճիշտ ախտորոշման ու բուժման միջոցով: «Արաբկիր» բժշկական համալիրում ասթմայի հարցրեով զբաղվում է շնչառական բժշկության եւ ալերգոլոգիայի ծառայությունը: Այցելության համար պետք է նախապես հերթագրվել` զանգահարելով 015 400 300 եւ ներքին` 21 36 հեռախոսահամարով: https://instagram.com/stories/astghikbag/2829837791059569290?utm_source=ig_story_item_share&igshid=MDJmNzVkMjY= 

Մայիսը մելանոմայի մասին իրազեկման ամիսն է, ինչի առիթով «Արաբկիր» բժշկական համալիրի մաշկաբանական ծառայությունը մայիսի 7-ին, ժամը 10:00-14:00 կիրականացնի անվճար զննում եւ դեմատոսկոպիկ հետազոտություն` խնդրի հայտնաբերման ուղղությամբ: Մելանոման մաշկի չարորակ նորագոյացություն է, որն արագ զարգանալու եւ մետաստազներ առաջացնելու հատկություն ունի: Այդ պատճառով չափազանց կարեւոր են դրա վաղ հայտնաբերումն ու բուժումը: Մելանոման կարող է պատահել ցանկացած տարիքում, ցանկացած սեռի մարդու մոտ: Ռիսկի խմբում են հատկապես մաշկի բաց երանգներով, բազմաթիվ խալերով, ինչպես նաեւ մաշկի քաղցկեղի ընտանեկան պատմություն ունեցող մարդիկ: Հերթագրվելու համար զանգահարեք 015 400 300 եւ ներքին` 10 39 հեռախոսահամարով: «Արաբկիր» ԲՀ, պոլիկլինիկական մասնաշենք, 2-րդ հարկ:   Մեր մասնագետներն են Արմինե Ադիլխանյանը https://www.arabkirmc.am/hy/pro/826 Տաթեւիկ Հարությունյանը https://www.arabkirmc.am/hy/pro/829 Ինգա Մխիթարյանը https://www.arabkirmc.am/hy/pro/827