Կլինիկական լաբորատորիա

Կլինիկական լաբորատորիան հագեցած է պարբերաբար ստուգաչափվող, ժամանակակից գերճշտգրիտ վերլուծիչներով. 

• Sysmex XN 1000, Sysmex XN 350, ALCOR, Sysmex UC 3500 UF 4000, FUS-1000
• Sysmex XN 1000, Sysmex XN 350 վերլուծիչներով իրականացվում են արյան ընդհանուր, ռետիկուլոցիտների և ռետիկուլյար ցուցանիշների ընդլանված քննություն, ողնուղեղային, սինովյալ, պերիտոնեալ հեղուկների, բրոնխոալվեոլյար լվացուկի հետազոտություններ:
• Արյան ընդհանուր քննության արդյունքը հնարավորություն է տալիս ախտորոշել անեմիաները, լեյկոզները, գնահատել լեյկեմոիդ ռեակցիաները, թրոմբոզների և արյունահոսության ռիսկերը։
• ALCOR վերլուծիչով կատարվում է կարճ ժամանակահատվածում ԷՆԱ -ի ճշգրիտ հետազոտություն
• Sysmex UC 3500 UF 4000 վերլուծիչով իրականացվում է մեզի ընդհանուր հետազոտություն: Մեզում բարձր սպիտակուցի քանակը որոշվում է բիոքիմիական եղանակով:
• Sysmex UF անալիզատորը հնարավորություն ունի չափելու մեզի օսմոլյարությունը, հաղորդականությունը նաև տեղեկատվություն է տալիս մեզում առկա ատիպիկ, ուռուցքային բջիջների մասին:

Միկրոսկոպիկ եղանակով իրականացվում են.

• գինեկոլոգիական և ուրոլոգիական քսուքներ,
• մաշկից և մաշկի ածանցիալներից սնկերի հետազոտություններ,
• դեմոդեկոզի և քոսի տզի նկատմամբ քերուկներ:

Կատարվում են նաև կղանքում կոպրոլոգիական, կոպրոգրամմայի, պարազիտակրության և թաքնված արյան առկայությունը պարզող հետազոտություններ: