Շահինյան Տաթևիկ Մուշեղի

գաստրոէնտերոլոգիական դիսպանսերի բժիշկ

մանկական գաստրոէնտերոլոգ, բգթ

Տաթևիկ Շահինյան` մանկական գաստրոէնտերոլոգ, գաստրոէնտերոլոգիական /լյարդաբանական դիսպանսերի և ստացիոնարի բժիշկ ; ԵՊԲՀ մանկաբուժության N 2 ամբիոնի ասիստենտ:
Վերապատրաստումներ` Գրաց ք. մանկական համալսարանական կլինիկա
(Ավստրիա, 2006թ.), King`s College հիվանդանոց (Լոնդոն, 2007թ.);
Ցյուրիխի համալսարանական մանկական կլինիկա (Շվեյցարիա, 2007,
2008թթ.); Ռայնե Ֆաբիոլա մանկական համալսարանական հիվանդանոց
(Բրյուսել, Բելգիա 2009 - 2010թթ): 2017թթ ավարտել է նաև կլինիկական
օրդինատուրա ,Էնդոսկոպիաե մասնագիտությամբ:
Գիտական հետաքրքրության ոլորտները`
- H.Pylori համակցված գաստրոդուոդենալ հիվանդություն,
-Մեթաբոլիկ հիվանդություններ, Աղիների բորբոք. հիվանդություններ, այլ:
Ներկայումս պատրաստվում է գիտական թեզի ավարտին և
պաշտպանությանը ԵՊԲՀ-ում:

Մեդիա

12-ամյա Ալբերտի լյարդի փոխպատվաստումը

16 ապրիլ 24

Երեխայի լյարդի փոխպատվաստման հերթական վիրահատությունն «Արաբկիր» բժշկական համալիրում բարեհաջող է անցել: Չնայած դեպքը բավական բարդ էր, քանի որ երեխան ուներ ստանդարտից դուրս հավելյալ զարկերակ, այնուամենայնիվ, հայ եւ բելառուս բժիշկների թիմին հաջողվել է 14 ժամ տեւած վիրահատությունից հետո ստանալ լավ արդյունք: 12-ամյա տղան իրեն լավ է զգում, գտնվում է բժիշկների հսկողության ներքո` անցնելով հետվիրահատական խնամքի ոչ պակաս բարդ ճանապարհ` ինտենսիվ թերապիայի բաժանմունքում: Ալբերտը, նրա ընտանիքն ու բժիշկները մեծ դժվարությունների առջեւ կկանգնեին, եթե չունենային Հայաստանի երեխաների առողջության հիմնադրամ - HFC Armenia-ի անգնահատելի աջակցությունը: Հիմնադրամը հանդիսանում է երեխաների լյարդի փոխպատվաստման մշտական հովանավորը` հատկացնելով վիրահատության համար անհրաժեշտ 14 մլն դրամ` ի հավելում պետության կողմից տրամադրվող 5մլն դրամ պետպատվերի գումարի: Այս անգամ, ելնելով ընտանիքի կարիքներից, հիմնադրամնն աննախադեպ որոշում է ընդունել` ֆինանսավորել նախավիրահատական թանկարժեք հետազոտությունների եւ դեղամիջոցների ձեռբերման ծախսերը եւս, որոնց մասին հաշվետվությունները Ալբերտին օգնության ձեռք մեկնած յուրաքանչյուր անհատ կկարողանա գտնել հիմնադրամի ֆեյսբուքյան էջում եւ կայքում: Շնորհակալ ենք հիմնադրամին` նման մեծ աջակցության համար: Շնորհակալ ենք լյարդի փոխպատվաստման ամբողջ թիմին` գաստրոէնտերոլոգներ, վիրաբույժներ, այդ թվում` հեպատոբիլիար եւ ընդհանուր վիրաբույժներ, անոթային միկրովիրաբույժներ, անեսթեզիոլոգներ, ճառագայթային եւ լաբորատոր ախտորոշման մասնագետներ, իմունոսուպրեսիվ թերապիայի մասնագետներ, տրանսֆուզիոլոգներ, բուժքույրեր, ինժեներներ, տեխնիկներ, մայրապետներ, հերթապահ վարորդներ ու ադմինիստրատիվ աշխատակիցներ: Եվ, իհարկե, շնորհակալ ենք մեր բելառուս գործընկերիներին` ГУ "Минский НПЦ хирургии, трансплантологии и гематологии"֊ից։ Առանց միահամուռ ջանքերի այս ամենն ավելի դժվար կլիներ: ГУ "Минский НПЦ хирургии, трансплантологии и гематологии" #երեխաներիԼյարդիՓոխպատվաստում #ChildrenLivertransplantation #ТрансплантацияПечениДетям #ԱրաբկիրԲՀ #ArabkirMC #МинскийНПЦЬирургииТрансплатологииГематологии #ՀայաստանիԵրեխաներիԱռողջությանՀիմնադրամ #HFCArmenia