Էնդոկրինոլոգիական ծառայություն

Էնդոկրինոլոգիան գիտություն է, որն ուսումնասիրում է ներքին ներզատական գեղձերի ֆիզիոլոգիան և խանգարումները: Էնդոկրինոլոգիայի, հատկապես մանկական էնդոկրինոլոգիայի կարևորագույն խնդիրներից է շաքարային դիաբետը:

«Արաբկիր» ԲՀ-ում էնդոկրինոլոգիայի ծառայությունը խորհրդատվություն և բուժում է տրամադրում էնդոկրին խնդիրներով երեխաներին և մեծահասակներին: Ծառայության առանցքային բաղկացուցիչն է դիաբետոլոգիայի ծրագիրը, որն սկսել է գործել 1996թ-ին` «ՍԵՄՌԱ» հիմնադրամի (Շվեյցարիա) աջակցությամբ: Ծրագրի նպատակն է ապահովել շաքարային դիաբետով երեխաներին մարդկային ինսուլինով, ինքնահսկողության ժամանակակից միջոցներով, յուրաքանչյուր ամիս իրականացնել երեխաների առողջական վիճակի վերահսկողություն` հիվանդության արդյունքում առաջացող հնարավոր բարդությունները կանխարգելելու, շաքարային դիաբետով երեխաների և դեռահասների կյանքի որակը բարելավելու նպատակով:
Ծրագրի շրջանակում հիմնադրվել է Շաքարային դիաբետի դպրոց, որի գործունեության նպատակն է երեխաների և նրանց ծնողների համար ինքնահսկողության եղանակների, համապատասխան սննդակարգի ընտրության և այլ թեմաների մասին կրթական դասընթացների կազմակերպումը:

Մեր ծառայությունից օգտվող երեխաներն ամառային հանգիստն անցկացնում են Ապարանի ամառային ճամբարում, ինչը մեծապես նպաստում է նրանց սոցիալական ինտեգրմանը և ինքնուրույնությանը: Ճամբարում գտնվելու ընթացքում երեխաներն ինքնուրույն կատարում են ինսուլինի ներարկում, իրականացնում արյան և մեզի մեջ գլյուկոզայի մակարդակի նկատմամբ ինքնահսկողություն, մասնակցում կազմակերպվող ֆիզիկական և տարբեր այլ զարգացման ու ժամանցային վարժանքների:

Ծրագրում ներգրավված բուժանձնակազմը բազմիցս վերապատրաստվել է Շվեյցարիայի բժշկական համալսարանական հիվանդանոցներում:

2005թ.-ից սկսած «Արաբկիր» ԲՀ-ում կատարվում է նորածնային սկրինինգ, որն իրականացվում է բնածին հիպոթիրեոզը վաղ հայտնաբերելու նպատակով: Բոլոր հայտնաբերված հիվանդները գտնվում են դիսպանսեր հսկողության տակ «Արաբկիր» ԲՀ-ում:

Աշխատակազմ

Մեդիա

Գնացուցակ

Կապ

Մարության Իրինա Գեորգիի

Մանկական էնդոկրինոլոգ

էնդոկրինոլոգիական ծառայության ղեկավար

Նավասարդյան Լուսինե Վիուլի

Մեծահասակների եւ մանկական էնդոկրինոլոգ

բժշկական գիտությունների թեկնածու, դոցենտ

Նոյեմբերի 14-ը` Դիաբետի համաշխարհային օր

14 նոյեմբեր 22

Արդեն 31 տարի` 1991թ-ից, ինսուլինի գյուտի հեղինակներից մեկի` Ֆրեդերիկ Բանտինգի ծննդյան օրը` նոյեմբերի 14-ը բժշկական օրացույցում առանձնացված է որպես Դիաբետի համաշխարհային օր: Սա առիթ է մեկ անգամ եւս խոսելու դիաբետի, դրա կանխարգելման ձեւերի եւ դրա հետ ապրելու հնարավորության մասին: Առողջապահության համաշխարհային կազմակերպության տվյալներով աշխարհում ավելի քան 415 մլն մարդ շաքարային դիաբետ ունի: Կանխատեսվում է, որ մինչեւ 2030թ-ն այս թիվը կաճի` հասնելով 551 մլն-ի: Հայաստանում շաքարային դիաբետ ունեցողների թիվը հասնում է մոտ 110 հազարի, նրանցից մոտ 800-ը երեխաներ են: Ընդհանուր այս թիվը եռակի ավել է 2000-ականների սկզբի ցուցանիշներից: Դա տարբեր հիմնավորումներ ունի, որոնցից վերջին տարիներին առանձնակի մեծ է եղել սթրեսի եւ կորոնավիրուսային վարակի դերը: Ուրախացնում է այն, որ հիվանդացության թվի աճին զուգահեռ 3 անգամ քչացել են դիաբետից մահվան դեպքերը: Բժիշկները խորհուրդ են տալիս պարբերաբար ստուգել արյան մեջ գլյուկոզայի քանակը եւ որեւէ շեղման դեպքում անպայման դիմել նեղ մասնագետի: Դիաբետից խուսափելու համար կարեւոր է ճիշտ կենսակերպը. քչաշարժությունն ու գերքաշայնությունը դիաբետի բերող ամենատարածված պատճառներից են: «Արաբկիր» բժշկական համալիրի էնդոկրինոլոգիական ծառայությունը սպասարկում է նաեւ դիաբետ ունեցող պացիենտներին: Հիշեք, որ դիաբետի ճիշտ եւ գրագետ վերահսկողությունն ամենակարեւորն են այս խնդրի հետ ապրելու եւ կյանքի որակը պահպանելու հարցում:

Էնդոկրինոլոգիական

Անվանում

Գին

Երեխաներին

Մեծահասակներին

Հատուկ գին

Warning: Undefined property: stdClass::$special_price_2 in /home/arabkirmc/web/test.arabkirmc.am/public_html/assets/pages/services.php on line 221

Սեռական գեղձերի հիվանդություններ-կրիպտորխիզմ

150 000

Վահանաձև գեղձի հիվանդություններ

150 000

Հարվահանաձև գեղձի հիվանդություններ

150 000

Սեռական գեղձերի հիվանդություններ-սեռական զարգացման հապաղումներ

200 000

Ճարպակալում

200 000

Շաքարային դիաբետ, I տիպ, սուր բարդություններ

250 000

Բնածին հիպերինսուլինիզմ

250 000

Շաքարային դիաբետ, II տիպ, սուր բարդություններ

300 000

Մակերիկամիների հիվանդություններ

300 000

Սեռական գեղձերի հիվանդություններ (վաղաժամ սեռական հասունացում)

300 000

Շաքարային դիաբետ, I և II տիպ, քրոնիկ բարդություններ (նեյրոպատիա, ռեթինոպատիա, նեֆրոպատիա և այլն)

350 000

*Ցուցադրված գներն ունեն տեղեկացնող բնույթ։ Գները կարող են փոփոխվել։ Խնդրում ենք կապվել մեզ հետ՝ վերջնական արժեքները պարզելու համար։

Հասցե

Հայաստան, Երեւան, Մամիկոնյանց 30, մուտքը` պոլիկլինիկայի մասնաշենքով, 2-րդ հարկ

Հեռախոս

015 400 300 /12 16/ գրանցումների համար для регистраций for registrations

015 400 300 /11 03/