«ԱրԲեՍ Պլյուս»

«ԱրԲեՍ Պլյուսը» «ԱրԲեՍ» առողջության կենտրոնի կազմում 2022թ-ին բացված նորաստեղծ ծառայություն է` ուղղված մեծահասակների վերականգնողական բուժմանը: Նպատակն է` նպաստել վնասվածքներից կամ հիվանդություններից հետո առաջ եկած խանգարումների վերականգնմանը և օգնել պացիենտին հասնել առավելագույն ֆիզիկական ու հոգեբանական հնարավորությունների, վերականգնել անկախ լինելու կարողությունը, վերադառնալ առողջ և ակտիվ ապրելակերպին:

Աշխատանքը կազմակերպվում է թիմային մոտեցման սկզբունքով: Բազմամասնագիտական թիմում ընդգրկված են բժիշկ-վերականգնողաբան /մասնագիտացված մանուալ թերապևտ/, կինեզիոթերապիստ, էրգոթերապիստ, կլինիկական լոգոպեդ:

Վերականգնողական յուրաքանչյուր ծրագիր հարմարեցվում է պացիենտի անհատական կարիքներին և կարող է ներառել թերապիայի մեկ կամ մի քանի տեսակներ:

Մեզ կարող են դիմել.

հենաշարժողական խնդիրների դեպքում

մեջքի և պարանոցի ցավ
հոդերի ցավ և շարժունակության սահմանափակումներ /ռևմատոիդ արթրիտ, արթրոզներ, անկիլոզացնող սպոնդիլոարթրիտ/
տրավմատիկ կոտրվածքներ և ջլերի, մկանների վնասվածքներ
մեծ վիրահատություններից հետո առաջացած շարժողական խանգարումներ` ներառյալ նախա- և հետէնդոպրոթեզավորման վիճակները
ամնդամահատվածություն /ամպուտացիա/

կենտրոնական և պերիֆերիկ նյարդային համակարգի ախտահարումների դեպքում
գլխուղեղի հետինսուլտային վիճակներ
գլխուղեղի հետտրավմատիկ վիճակներ
գլխուղեղի այլ ախտաբանական վիճակներից, օրինակ ուռուցքներից մնացած հետևանքներ
ողնուղեղային վնասվածքներ
բազկահյուսակի վնասվածքներ
Գիեն-Բարեի համախտանիշ

նյարդամկանային խնդիրների դեպքում
միոպատիաներ
դերմատոմիոզիտներ

մանկության տարիքի հենաշարժողական և նյարդամկանային խնդիրներից մնացած հետևանքների դեպքում
մանկական ուղեղային պարեզ
մանկաբարձական պարեզ
յուվենիլ-ռևմատոիդ արթրիտ

Բաժանմունքը սերտ համագործակցում է տարածքում գործող օրթեզավորման և պրոթեզավորման կենտրոնի հետ` կազմակերպելով ճիշտ մասնագիտական ուղղորդում` աջակցող սարքվորումներ ձեռքբերելիս: Աջակցող միջոցներն օգնում են պացիենտին բարելավել առօրյա հմտություններն ու կյանքի որակը:

Հեռախոսահամարն է` 060 40 30 30 և ներքին` 25 00:
Հասցեն` Երևան, Փափազյան 32:
Էլ. հասցեն` [email protected]